Elan və Xəbərlər
Bakı Zooloji Parkının yeni sakini-Simba
Qazaxıstan Respublikasının Almatı Heyvanat Parkından gətirilən “Simba” adlı beş yaşlı erkək şir Bakı Zooloji Parkının daimi sakininə çevrilib. O, ilk olaraq parkın karantin zonasında bir ay ərzində baytarlıq nəzarəti altında saxlanılıb, daha sonra iki dişi şirin olduğu daimi yaşayış yerinə köçürülərək uğurla adaptasiya prosesini tamamlayıb və bir ailəyə çevriliblər. Erkək şirin Bakı Zooloji Parkına gətirilməsi Almatı Heyvanat Parkı ilə aparılan beynəlxalq mübadilə çərçivəsində həyata keçirilib.
Bakı Zooloji Parkında Xəzər Universitetinin tələbələri üçün keçirilən klinik təcrübə uğurla başa çatmışdır
Bakı Zooloji Parkı və Xəzər Universitetinin Təbiət Elmləri və Mühəndislik fakültəsinin birgə əməkdaşlığı çərçivəsində 9 oktyabr-1 dekabr 2024 tarixləri ərzində “Baytarlıq təbabəti” ixtisası üzrə təhsil alan V kurs tələbələri üçün tədris planına uyğun olaraq klinik təcrübə keçirilib. Həm nəzəri, həm də praktiki aspektləri əhatə edən proqram tələbələrə baytarlıq sahəsindəki biliklərini real şəraitdə tətbiq edərək, heyvanların müalicəsi və baxımı ilə bağlı ətraflı məlumat əldə etmək üçün fürsət yaradıb. Təcrübənin istiqamətləri həm müasir dövrün tələblərinə uyğun, həm də təhsil müddəti ərzində əldə edilmiş nəzəri biliklərin tətbiqinə imkan verən praktik bacarıqların formalaşmasına yönəlmişdir.
Bakı Zooloji Parkında heyvanların rifahının yaxşılaşdırılması üzrə təlimlər keçirilib
Bakı Zooloji Parkında 18-22 noyabr tarixlərində İsraildən dəvət olunmuş The Animal Behavior Community şirkətinin mütəxəssisləri tərəfindən kiperlər üçün təlim və seminarlar təşkil olunub. Təlimin əsas məqsədi heyvanlarla iş zamanı təhlükəsizlik qaydalarına riayət olunmasını təmin etmək, heyvanların rifahını və qidalanmasını yaxşılaşdırmaq, onların qayğısına qalmaq və volyerlərin təbii yaşayış mühitlərinə uyğun zənginləşdirilməsi sahələrində müasir yanaşmaların tətbiqinin təşviqi olub.
Bakı Zooloji Parkında çoxaldılmış 20 sincab “Gənclik” parkına buraxılıb
“Yaşıl dünya naminə həmrəylik ili” çərçivəsində oktyabrın 29-da Heydər Əliyev Fondunun vitse-prezidenti, “IDEA” İctimai Birliyinin təsisçisi və rəhbəri Leyla Əliyeva və Bakı Media Mərkəzinin rəhbəri Arzu Əliyevanın iştirakı ilə paytaxt Bakının Xətai rayonunda yerləşən “Gənclik” parkında növbəti ağacəkmə aksiyası həyata keçirilib.
Şahdağ Milli Parkının İsmayıllı bölməsində nadir heyvanlar vəhşi təbiətə buraxılıb
Avqustun 29-da Heydər Əliyev Fondunun vitse-prezidenti və IDEA İctimai Birliyinin təsisçisi və rəhbəri Leyla Əliyevanın iştirakı ilə Şahdağ Milli Parkının İsmayıllı bölməsində nadir heyvanların vəhşi təbiətə buraxılması mərasimi keçirilib.
Leyla Əliyeva Berlində işgüzar səfərdə olub
Heydər Əliyev Fondunun vitse-prezidenti, IDEA İctimai Birliyinin (İB) təsisçisi və rəhbəri Leyla Əliyeva Beynəlxalq Biomüxtəliflik Günü ərəfəsində Berlinə işgüzar səfəri çərçivəsində Azərbaycan Mədəniyyət Mərkəzində IDEA İB-nin təşkilatçılığı ilə keçirilən “Təbiətə qayıdış: Azərbaycanda zubr populyasiyasının bərpası” adlı tədbirdə iştirak edib.
Bakı Zooloji Parkında Bakı Dövlət Universitetinin tələbələri üçün istehsalat təcrübəsinə başlanılıb
Bakı Zooloji Parkı və Bakı Dövlət Universitetinin ekologiya və torpaqşünaslıq fakültəsinin əməkdaşlığı çərçivəsində 16.02.2024 tarixindən etibarən Zooloji Parkda lV kurs tələbələri üçün istehsalat təcrübəsi təşkil olunub.
Bakı Zooloji Parkında ayı balaları doğulub
Bakı Zooloji Parkında ilk dəfə 30.01.2023 tarixində Azərbaycanın “Qırmızı Kitab”ına daxil olan qonur ayı növünün 800-870 qr çəkili 2 balası doğulub.
Bakı Zooloji Parkında Amur pələngi balaları doğulub
Bakı Zooloji Parkında 15.01.2023 tarixində 1 erkək, 2 dişi olmaqla, 1000-1200 qr çəkili 3 Amur pələngi balası doğulub
Bakı Zooloji Parkında ilk gecə turu keçirilib
Bakı Zooloji Parkında 29.10.2022 tarixində ilk dəfə gecə turu təşkil olunub. 2 saat davam edən tura 200-dən çox iştirakçı qoşulub. Ziyarətçilər tur zamanı Zooloji Park sakinlərini gecə saatlarında müşahidə ediblər.
“Gələcək uşaqlara məxsusdur” adlı şənlik təşkil olunub
Bakı Zooloji Parkında “Uşaqların Beynəlxalq Müdafiəsi Günü”nə həsr edilmiş “Gələcək uşaqlara məxsusdur” adlı şənlik təşkil olunub.
Bakı Zooloji Parkında şir balası dünyaya gəlib
23.11.2021 tarixində Bakı Zooloji Parkının yeni sakini - olduqca sevimli şir balası dünyaya gəlib.
İlham Əliyev və Mehriban Əliyeva Zooloji Parkın açılışında
Oktyabrın 7-də Bakı Zooloji Parkının yenidənqurmadan sonra açılışı olub
Bakı Zooloji Parkı ziyarətçilər üçün açılıb
7 oktyabr tarixində təmir-quruculuq işlərindən sonra qapılarını yenidən ziyarətçilərə açan Bakı Zooloji Parkının açılış mərasimi keçirilib.