Çəhrayı qutan
Ölçü və çəki
Bədən uzunluğu 135–175 sm, qanadların enliyi 270–360 sm
ÇƏKİ: 7–15 kq
Qidalanma
Ətyeyən
Həyat ömrü
25–30 il
Çoxalma
2–3
Mühafizə Statusu
Az qayğı tələb edənlər
Azərbaycanın Qırmızı Kitabına daxildir
Azərbaycanda Abşeron MP, Qızılağac MP və Xəzər dənizinin bütün sahil zolağı boyu rast gəlinir Cənubi və Şərqi Avropa, Afrika, Yaxın Şərq və Orta Asiyanın bataqlıq və göl əraziləri
Çəhrayı qutan — iri ölçülü, qutanlar fəsiləsinə aid su quşudur. Onun ən səciyyəvi xüsusiyyəti uzun, sarımtıl dimdiyi və altında yerləşən elastik, çəhrayı rəngli boğaz torbasıdır. Bu torba balıq ovlarkən suyu süzərək balıqları tələyə salmaq üçün istifadə olunur. Lələklərinin əsas hissəsi ağ çalarlı açıq çəhrayı rəngdədir, qanad ucları isə qara olur.Çəhrayı qutanlar böyük sürülərlə yaşayır və su hövzələrinin ətrafında məskunlaşırlar. Balıq ovunu əsasən qrup halında həyata keçirirlər: bir neçə fərd bir dairə əmələ gətirərək balıqları dayaz suya qovur və dimdikləri ilə eyni anda tutur. Qidalanma zamanı bir qutan gündə 1,5–2 kq-a qədər balıq yeyə bilir.