Qulaqlı kirpi
Ölçü və çəki
Bədən uzunluğu 12-27 sm, quyruq 17-23 mm
ÇƏKİ: 400-500 q
Qidalanma
Həşəratyeyənlər
Həyat ömrü
3-6 il
Çoxalma
3-8
Şirvan Milli parkı
Məməlilər sinfinin Həşəratyeyənlər dəstəsinin Kirpilər fəsiləsinə aid heyvan növüdür. Azərbaycanda əsasən quru çöl, yarımsəhra və düzənlik ərazilərdə, xüsusən Xəzəryanı bölgələrdə, Kür-Araz ovalığında və dağətəyi quru landşaftlarda geniş yayılıb. Adi kirpilərdən ölçüsünə görə fərqlənirlər. Qulaqlarının uzunluğu 5 sm-ə qədərdir, yalnız bel nahiyyəsi iynələrlə örtülmüşdür. Bədən uzunluğu 12-27 sm, quyruq 17-23 mm təşkil edir. Erkəklərin kütləsi 430 q-a qədər, dişilər isə 200-505 q ola bilər. Ayaqları hündürdür. İynələr nazik və qısa olur. Uzunluqları 17-19 mm-ə çatır. Qidasının əsasını həşəratlar təşkil edir. Təhlükə anında bükülərək bir topa çevrilir. İldə 1-2 dəfə bala verir, 3-8 çılpaq bala doğulur.